Владимир Якушев һәм Радий Хәбиров Миңлеғәле Шайморатов һәйкәленә сәскәләр һалды

Бөгөн Өфөлә «Берҙәм Рәсәй» партияһының Генераль советы секретары вазифаһын ваҡытлыса башҡарыусы, ил Президентының Урал федераль округындағы тулы хоҡуҡлы вәкиле Владимир Якушев һәм Радий Хәбиров баш ҡаланың тарихи үҙәгендә булды. 

Хөрмәтле ҡунаҡтар Ленин исемендәге Башҡортостандың беренсе Президенты Мортаза Рәхимов һәйкәлен ҡарап сыҡты. Скульптура 2024 йылдың 7 февралендә сәйәсмәндең тыуыуына 90 йыл тулыу хөрмәтенә асылғайны. Радий Хәбиров Мортаза Ғөбәйҙулла улының республикабыҙҙы формалаштырыуға һәм үҫтереүгә индергән ғәйәт ҙур өлөшөн һыҙыҡ өҫтөнә алды.

Совет майҙанында Владимир Якушев һәм Радий Хәбиров Ватанды һаҡлаусыларҙың иҫтәлеген хөрмәтләп, Рәсәй Геройы, генерал-майор Миңлеғәле Шайморатов һәйкәленә сәскәләр һалды. Радий Хәбиров Владимир Якушевҡа 2022 йылдың 11 октябрендә асылған һәйкәлде булдырыу тарихы тураһында һөйләне. Скульптура композицияһы Бөйөк Ватан һуғышында батырлыҡ күрһәткән легендар 112-се Башҡорт кавалерия дивизияһы яугирҙарына, Тыуған иле өсөн ғүмерҙәрен биргән барлыҡ милләттәштәребеҙгә арналды. Һәйкәлдең авторы – Башҡортостандан сыҡҡан билдәле Рәсәй скульпторы, Рәсәй сәнғәт академияһы академигы Салауат Щербаков.

Автор: Азат Ғиззәтуллин

https://www.bashinform.ru/news/social/2024-08-14/vladimir-yakushev-i-radiy-habirov-vozlozhili-tsvety-k-pamyatniku-generalu-shaymuratovu-3884950