Башҡортостан егете ҡырҡтан ашыу хеҙмәттәшен ҡотҡарған

Медицина пункты табибы, лейтенант Руслан Велибеков 40-тан ашыу хеҙмәттәшен ҡотҡарған. Оборона министрлығынан хәбәр итеүҙәренсә, хәрби алғы һыҙыҡта һәм тыл райондарында Рәсәй һалдаттарына квалификациялы медицина ярҙамы күрһәткән.

«Йәш офицер бер нисә тапҡыр әүҙем хәрби хәрәкәттәр районына беренсе ярҙам күрһәтеү һәм яралыларҙы эвакуациялау өсөн ебәрелә. Дошмандың өҙлөкһөҙ уттары аҫтында ул яу яланында хәрбиҙәргә тәүге ярҙам күрһәтә, шунан һуң уларҙы медицина учреждениеларына оҙатыуҙы ойоштора», — тип белдерҙеләр илдең Оборона министрлығында.

Иҫегеҙгә төшөрәбеҙ, Башҡортостанда республика Башлығы Радий Хәбировтың ҡушыуы буйынса контракт буйынса хеҙмәт итеүселәргә бер тапҡыр бирелә торған түләү күләме артты. Рәсәй Президенты 1 августан 31 декабргә тиклемге осорҙа килешеү төҙөгән хәрбиҙәргә 400 мең һум күләмендәге түләү тураһындағы Указға ҡул ҡуйҙы. Шулай итеп, федераль түләүҙәрҙе иҫәпкә алып, Башҡортостан һалдаттары бер юлы дөйөм алғанда 1 миллион 205 мең һум аласаҡ.

122 йәки (347) 218-19-19, һайлау пунктына (347) 248-29-31 һандары буйынса шылтыратып, тулыраҡ мәғлүмәт алырға мөмкин.

Автор: Эдуард Ҡусҡарбәков

https://www.bashinform.ru/news/svo/2024-08-14/voennyy-medik-spas-bolee-40-voinov-v-zone-svo-3884327