Радий Хәбиров ауылдарҙы үҫтереү программаһында әүҙемерәк ҡатнашырға ҡушты

Хөкүмәттең оператив кәңәшмәһендә Башҡортостан Башлығы Радий Хәбиров муниципалитет башлыҡтарын ауыл биләмәләрен комплекслы үҫтереү программаһында әүҙемерәк ҡатнашырға саҡырҙы.

Был мәсьәлә Радий Хәбировтың һәм Рәсәй Федерацияһының ауыл хужалығы министры Оксана Луттың осрашыуында тикшерелгән. “Башинформ” ошо хаҡта яҙғайны. Башҡортостан был программаның мөмкинлектәрен киң файҙаланыуына һәм унан шаҡтай аҡса алыуға ҡарамаҫтан, республиканың ике районы тотҡарланыу сәбәпле, яңы объекттар алыу мөмкинлеген ҡулдан ысҡындырған (балалар баҡсаһы һәм һыу менән тәьмин итеү өлөшө системаһы). Радий Хәбиров Башҡортостан хөкүмәте премьер-министры урынбаҫары – ауыл хужалығы министры Илшат Фәзрахмановҡа был “хата”ны төҙәтергә ҡушты.

Автор: Роман Якимчук

https://www.bashinform.ru/news/economy/2024-08-12/radiy-habirov-prizval-rayony-aktivnee-uchastvovat-v-programme-razvitiya-sela-3881724