Өфөлә йәшәүсе радиоэлектрон көрәш саралары эшләй

Өфөлә йәшәүсе Владимир Әминов махсус хәрби операция яугирҙары өсөн радиоэлектрон көрәш саралары (РЭБ) һәм тактик медицина изделиелары етештереү, шулай уҡ бронежилеттарҙы йүнәтеү менән шөғөлләнә.

Халыҡ фронтының Башҡортостан бүлексәһенән хәбәр итеүҙәренсә, Владимир Әминов 2014 йылдан алып Донбассҡа әүҙем ярҙам итә. Тәүҙә Өфө уҙаманы Донецк һәм Луганск халыҡ республикалары һалдаттарына ярҙам итә, улар уға “Монах” тигән позывной бирә. 2022 йылдан ул СВО һалдаттарына ярҙам итә.

Фронт һыҙығындағы дуҫтары Әминовтан радиоэлектрон көрәш саралары эшләүҙе һорай. Бала сағында радиоэлемтә менән ҡыҙыҡһынған уҙаман барыһын да өйрәнергә тотона. Үҙе ҡорамалдар уйлап таба башлай.

– Юғары сифатлы моделдәр артабан бәләкәй сериялар менән етештерелергә мөмкин. Бәләкәй, сөнки хәҙерге электрон һуғыш ҡорамалдары технологиялары тиҙ үҙгәрә, улар етеҙ эшләүҙе талап итә”, – ти ОНФ-та.

Владимир шулай уҡ бронежилеттарҙы яҡшырта, уларҙы уңайлыраҡ, нығыраҡ итеп эшләй. “Монах” алғы һыҙыҡтағы һалдаттың үҙ тупланмаһы булырға тейеш, уның менән бронежилетты яңынан эшләп булһын, тип иҫәпләй.

Шуны өҫтәргә кәрәк, быға тиклем Дөйөм Рәсәй халыҡ фронтының Башҡортостандағы башҡарма комитеты балыҡ тотоу селтәрҙәрен йыйыу тураһында иғлан иткәйне. Законһыҙ балыҡ тотоу ҡоралдары СВО ихтыяждарына ебәреләсәк, сөнки улар дрондарҙан һөҙөмтәле һаҡланыу сараһы булып тора һәм алғы һыҙыҡта бик кәрәкле.

Автор: Эдуард Ҡусҡарбәков

https://www.bashinform.ru/news/svo/2024-08-09/zhitel-ufy-zanimaetsya-razrabotkoy-sredstv-reb-i-uluchsheniem-bronezhiletov-3879352