Өфөлә бер ҡатын бала табыу йортона барып еткәндән һуң 5 минутта ҡыҙын тапҡан

Өфөлә бер ҡатын бала табыу йортона барып еткәндән һуң биш минут үткәс бала тапҡан. Башҡортостан Һаулыҡ һаҡлау министрлығының матбуғат хеҙмәтенән хәбәр итеүҙәренсә, дүртенсе балаһын көткән пациент М-5 трассаһында тығынға эләккән. Ире ярҙам һорап полиция хеҙмәткәрҙәренә мөрәжәғәт итә. Патруль-пост хеҙмәткәрҙәре тиҙ арала диспетчерҙар менән бәйләнешкә сыға һәм сирена тоҡандырып ирле-ҡатынлыны бала табыу йортона тиклем оҙата.

«Иренең етеҙлеге, Өфөнөң ҡала клиник перинаталь үҙәге табиптарының, ЮХХДИ хеҙмәткәрҙәренең һәм диспетчерҙарының оҫта эш итеүе һөҙөмтәһендә йөклө бала табыу йортона ваҡытында барып етте һәм биш минутта һау-сәләмәт ҡыҙ бала тапты. Уның ауырлығы - 3480 грамм», — тип хәбәр иттеләр ведомствола.

Бөгөн ҡатынды сабыйы менән бала табыу йортонан сығарғандар. 

Автор: Дарья Субботина

https://www.bashinform.ru/news/social/2024-08-09/v-ufe-zhenschina-rodila-dochku-cherez-5-minut-posle-postupleniya-v-roddom-3879637