Максим Забелин СВО-ла ҡатнашыусыларҙың ҡатындары менән осрашты

Башҡортостан Башлығы хакимиәте етәксеһе Максим Забелин махсус хәрби операцияла ҡатнашыусыларҙың ҡатындары менән осрашты. Был хаҡта ул үҙенең телеграм-каналында һөйләне.

«Был тыйнаҡ ҡатындар – ирҙәренә ысын терәк-таяныс, көс һәм өмөт биргән тыл. Эш хаҡында, Ватанды һаҡлаусыларҙың ғаиләләрен ниндәй мәсьәләләр борсой, нисек ярҙам итә алыуыбыҙ хаҡында һөйләштек», – тип хәбәр итә Максим Забелин.

Максим Забелин әйтеүенсә, хәрбиҙәрҙең ғаилә ағзалары уларға кәрәкле ярҙам сараларын ваҡытында алыуын белдергән.

– Беҙ үҙебеҙҙең яҡтан артабан да ғаиләләргә төрлө яҡлап ярҙам күрһәтәсәкбеҙ, – тип өҫтәне Максим Забелин.

Быға тиклем Максим Забелин Республика балалар клиник дауаханаһы шәфҡәт туташы Динара Ҡотлоева менән осрашып, уға картина бүләк итте. Уның ире 2023 йылдың декабрендә махсус хәрби операцияла һәләк булған, тип хәбәр итә «Башинформ» мәғлүмәт агентлығы.

Автор: Эдуард Ҡусҡарбәков

https://www.bashinform.ru/news/svo/2024-08-02/maksim-zabelin-vstretilsya-zhyonami-uchastnikov-svo-iz-bashkirii-3871065