Өфөлә йәшәүсе Людмила Щербина 100 йәшлек юбилейын билдәләне

Өфөлә йөҙйәшәрҙәр һаны тағы берәүгә артты. Бөгөн Людмила Щербина үҙенең 100 йәшлек юбилейын билдәләй. Был хаҡта социаль селтәрҙә Октябрь районы хакимиәте башлығы Сергей Плотников хәбәр итә. Ул тотош бер быуаттың тарихи ваҡиғаларына шаһит булыу бәхете һәр кемдең өлөшөнә төшмәүен билдәләне. Людмила Михайловна Бөйөк Ватан һуғышы михнәттәрен кисерә, хәрби авиация заводында эшләй, самолеттар өсөн деталдәр эшләй. Һуңынан ғаиләһе менән Мурманск ҡалаһына күсеп китә. 1971 йылда Өфөгә ҡайта.

«Баш ҡаланың 450 йыллыҡ юбилей йылында ул да үҙенең юбилейын билдәләй, әммә саҡ ҡына аҙыраҡ - бер быуат. Людмила Михайловнаны ҡотлап, һаулыҡ, күтәренке рух теләнек. Тап уның кеүек ныҡышмал, тормошто яратыусан кешеләр беҙгә һәм йәш быуынға өлгө булып тора», – тип яҙған Сергей Плотников.

Быға тиклем «Башинформ» агентлығы Өфөлә 100 йәшлек ветеран Антонина Киселеваны тәбрикләүҙәре хаҡында хәбәр иткәйне.

Автор: Ләйсән Закирова

https://www.bashinform.ru/news/social/2024-08-02/zhitelnitsa-ufy-lyudmila-scherbina-otmetila-100-letniy-yubiley-3871205