Өфөлә баш ҡаланың 450 йыллығына «Ҡурай тотҡан малай» фонтаны янындағы майҙан яңыртыла
Өфөлә Октябрь районын төҙөкләндереү эштәре дауам итә. Әле баш ҡаланың 450 йыллығын билдәләүгә әҙерлек сиктәрендә Сәйет Ғәлиев бульвары һәм «Ҡурай тотҡан малай» фонтаны алдындағы майҙан төҙөкләндерелә.
Ер эштәре һәм япмалар һалыу тамамланған, тышҡы яҡтыртҡыстар һәм видеокүҙәтеү системаһы ҡуйылған, балалар майҙансығы урынлаштырылған, бәләкәй архитектура формалары ҡуйылған, йәшелләндереү эштәре башҡарылған. Бордюрҙар ҡуйыу, тротуар плиталары һалыу, нигеҙҙе асфальт-бетонға әҙерләү, газондарға автоматик һыу һибеү системаһы ҡуйыу, ҡара тупраҡ тултырыу, Октября проспекты киҫелешендә асфальт һүтеү буйынса эштәр дауам итә.
Фонтандың үҙе яңыртыла. Бында тимер-бетон һауыт һәм торбалар ҡуйыу эштәре тамамланған да инде. Әлеге ваҡытта тимер-бетон һауытты тышлау буйынса эш алып барыла. Уны бер айҙан тамамлау күҙаллана.
Бынан тыш, мэрия хакимиәттең матбуғат хеҙмәтенән хәбәр итеүҙәренсә, Өфө һәм Башҡортостан митрополиты Никондың фатихаһы менән Комсомол урамында изге апостолдар Кирилл һәм Мефодий иҫтәлегенә арналған сиркәүе төҙөкләндереләсәк. Авария хәлендә булған ағас ҡоролма һүтеп алынған да инде, нигеҙ төҙөлә башлаған.
Урындағы төҙөүсе ярҙамында Мәжит Ғафури исемендәге парк биләмәһе төҙөкләндерелә. Эштәр 8 гектар майҙанда бара. Яңы тротуар таштары, гранит бордюрҙар, йәшелләндереү, бәләкәй архитектура формалары, яҡтыртыу, уйын майҙансыҡтары, эскәмйәләр, эттәр йөрөтөү майҙансығы эшләнә – майҙан саф һауала йөрөү һәм ял итеү өсөн уңайлы буласаҡ.
Быға тиклем «Башинформ» агентлығы Өфөлә «Нефтехимиктар» паркын төҙөкләндереүҙең икенсе этабы дауам итеүе хаҡында яҙғайны.
Автор: Ләйлә Аралбаева
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.