20 июлдән Smartavia авиакомпанияһының Өфө аэропортынан Пулково аэропортына өҫтәмә рейстары асыла. Санкт-Петербургҡа шишәмбе һәм шәмбе көндәрендә Boeing 737-800 самолеттарында осорға мөмкин.
Өфөнән Рәсәйҙең төньяҡ баш ҡалаһына рейстар - иң популяр 3 йүнәлеш иҫәбендә.
Баш ҡала аэропортының матбуғат хеҙмәтенән хәбәр итеүҙәренсә, тура даими рейстарҙы «Россия», Smartavia, Nordwind Airlines авиакомпаниялары башҡара. Ҡалалар араһында осоштарҙың дөйөм һаны аҙнаһына 36-ға етә.