Башҡортостандың Нөркәй ауылында йәшәгән 71 йәшлек Гөлйыһан Исламова махсус хәрби операция яугирҙәренә ҡайын миндектәре бәйләп тапшырған. Туймазы районы хакимиәте башлығы Айҙар Суфиянов үҙенең телеграм-каналында ошо хаҡта яҙа.
Хуш еҫле миндектәр — күсмә мунсалар өсөн иң кәрәкле әйбер, тип иҫәпләй инәй.
«Ошо миндектәр егеттәребеҙҙе йылытһын, беҙҙең күңел йылыһын тойһон, беҙ улар өсөн доға ҡылып ҡына торабыҙ», — ти Гөлйыһан Миназетдин ҡыҙы.
Гөлйыһан Исламова — «Маскита» ирекмәндәр клубының иң әүҙем ағазаларының береһе, ул маскировка селтәрҙәре һәм костюмдар үреүҙә ярҙам күрһәтә.