Башҡортостанда алдағы өс көндә йылы һәм ямғырлы була

Синоптиктар хәбәр итеүенсә, шаршамбы, 17 июлдә, яуым-төшөм көтөлмәй. Ел төньяҡ-көнсығыштан талғын, көндөҙ көслө. Һауа температураһы +22, +27°.

Кесе йома, 18 июлдә, урыны менән йәшенле ҡыҫҡа ваҡытлы ямғыр яуыуы, төндә яуым-төшөмһөҙ булыуы фаразлана. Ел төньяҡтан талғын. Төндә +12, +17°, көндөҙ +22, +27°.

Йома, 19 июлдә, урыны менән йәшенле ҡыҫҡа ваҡытлы ямғыр яуыуы көтөлә. Ел төньяҡтан талғын. Һауа температураһы төндә +12, +17°, көндөҙ +22, +27°.

Башинформ хәбәр иткәнсә, Башҡортостан ауылдарын һыу баҫыуға бәйле хәл тотороҡланды.

https://www.bashinform.ru/news/social/2024-07-17/v-bashkirii-v-blizhayshie-tri-dnya-budet-teplo-i-dozhdlivo-3851335