12 июлдә көндөҙ һәм 13 июлдә төндә Башҡортостанда урыны менән көслө ямғыр яуыуы, йәшен ваҡытында елдең тиҙлеге секундына 22 метрға етеүе фаразлана. Таулы һәм көньяҡ райондарҙағы йылғаларҙа ҡапыл һыу ташыуы һәм гидротехник ҡоролмаларға ағымдың артыуы көтөлә. Урыны менән һыуҙың туғайҙарға сығыуы ихтимал, тип иҫкәрттеләр Башҡортостан буйынса Ғәҙәттән тыш хәлдәр министрлығының матбуғат хеҙмәтендә.