Өфөлә махсус хәрби операция контрактсыларына бер тапҡыр бирелә торған түләү 300 мең һумғаса артты

Контракт буйынса махсус операция биләмәһендә хеҙмәт итергә теләгән өфөләргә 300 мең һум күләмендә бер тапҡыр бирелә торған түләү ҡаралған. Тейешле ҡарарға баш ҡала мэры Ратмир Мәүлиев ҡул ҡуйған.

Һүҙ 2024 йылдың 10 июленән Рәсәйҙең Ҡораллы Көстәрендә хеҙмәт итеү өсөн контракт төҙөгән граждандар хаҡында бара. Аҡса алыу өсөн ғаризаны йәшәгән урын буйынса район хакимиәтенә тапшырырға кәрәк. Хәтерегеҙгә төшөрәбеҙ, бығаса Өфөлә бер тапҡыр бирелә торған түләүҙең күләме 200 мең һум ине.

Бынан тыш, 2024 йылдың 10 июленән Башҡортостан Башлығы Радий Хәбировтың ҡушыуы буйынса республикала контракт төҙөгән өсөн бер тапҡыр бирелә торған түләү 505 мең һумға тиклем арттырылды. Рәсәйҙең Оборона министрлығы һәм муниципалитеттарҙың түләүҙәре менән бергә ул 1 миллион һум була.

Илдең Оборона министрлығы менән килешеү төҙөү өсөн ҡыҙыҡһындырған һорауҙарҙы Ситуация үҙәгенең 122 йәки (347) 218-19-19 номеры буйынса шылтыратып, шулай уҡ «Минең документтарым» күп функциялы үҙәк офистарында бирергә мөмкин. Һайлап алыу пунктының номеры — (347) 248-29-31.

https://www.bashinform.ru/news/svo/2024-07-12/v-ufe-edinovremennuyu-vyplatu-kontraktnikam-svo-uvelichili-do-300-tysyach-rubley-3846636