Башҡортостан Башлығы Радий Хәбиров хөкүмәттең оператив кәңәшмәһендә республикала социаль учреждениеларҙы газ менән йылытыуға күсереү эшен әүҙемләштерергә, шулай уҡ ошо маҡсатҡа финанслауҙы күҙ уңында тоторға ҡушты.
Был эш «Газпром» менән берлектә алып барыла, газ үтмәгән объекттар күп түгел, уларҙың күбеһе мәғариф һәм мәҙәниәт министрлыҡтары ҡарамағында, тип билдәләне Радий Хәбиров.
Бынан алдараҡ «Башинформ» Белоретта йылылыҡ менән тәьмин итеү селтәрҙәрен яңыртыу пландары хаҡында хәбәр иткәйне.