Башҡортостан Башлығы Шаҡша күперен ябыу тураһында: «Халыҡты иҫкәртергә кәрәк!»
Өфөлә «Хәүефһеҙ һәм сифатлы юлдар» милли проекты сиктәрендә Шаҡша күперендә ремонт эштәре бара. Тиҙҙән бында йәнә автотранспорт өсөн сикләү индерелә. 9 июлдә төнгө сәғәт 12-нән 24 июль төнгө 11-гә тиклем (15 көнгә) хәрәкәт тулыһынса ябыла. Ашығыс хеҙмәттәр өсөн Кенәз ауылындағы паром кисеүе эшләй. Автомобилселәргә иһә Көнсығыш сығыу юлы аша урарға кәрәк. Шулай уҡ электричка менән йөрөргә мөмкин, тип хәбәр иттеләр Башҡортостан Транспорт министрлығының матбуғат хеҙмәтендә.
Башҡортостан Башлығы Радий Хәбиров 8 июлдә оператив кәңәшмәлә халыҡты күрелгән саралар тураһында иҫкәртергә кәрәклеген белдерҙе.
«Ул тиклем ҙур бәлә юҡ. Ябып торорбоҙ, уның ҡарауы, һәйбәт итеп эшләрбеҙ. Ләкин халыҡты иҫкәртергә кәрәк. Белгесте ебәрегеҙ, ул туҡталыштар буйлап йөрөп, бөтә нәмә эшләйме, юҡмы икәнен тыңлаһын», — тине Башҡортостан Башлығы.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.