Белоретта милли проект буйынса ике биләмә төҙөкләндерелә

Белоретта быйыл «Уңайлы ҡала мөхитен булдырыу» федераль программаһы сиктәрендә ЗАГС эргәһендә һәм Ағиҙел күпере аръяғында ике биләмә төҙөкләндерелә.

ЗАГС янныда төп эштәр башҡарылған: юлдар билдәләнгән, бордюрҙар һалынған. Майҙан уртаһында йәштәргә фото төшөү өсөн ике йөрәк рәүешендә инсталляция урынлаштырыла. Шулай уҡ аркалар, эскәмйәләр, матур яҡтыртҡыстар, видеокүҙәтеү камераларын ҡуйыу планлаштырыла.

Ағиҙел күпере янындағы яр буйын төҙөкләндереү күҙәтеү-ҡарау майҙансығынан башлана, подрядсы бының өсөн нигеҙ әҙерләгән дә инде, тип хәбәр иттеләр Белорет хакимиәтендә.

Ике дәүләт контрактының хаҡы - яҡынса 4,8 миллион һум.

Шулай уҡ ҡалала Блюхер һәйкәле артындағы паркта һәм Уҡытыусылар скверында төҙөкләндереү эштәре бара.

Быйыл Башҡортостанда «Торлаҡ һәм ҡала мөхите» милли проектының «Уңайлы ҡала мөхитен булдырыу» федераль программаһы буйынса 1,2 миллиард һумға 123 йәмәғәт биләмәһе төҙөкләндерелә.

https://www.bashinform.ru/news/nacproject/2024-07-03/v-beloretske-po-natsproektu-obustraivayutsya-dve-territorii-3833813