Республикала сәнәғәт объекттарының хәүефһеҙлеген тәьмин итеү мәсьәләләре тикшерелде

Башҡортостан Башлығы Радий Хәбиров министрлыҡ һәм ведомство, шулай уҡ сәнәғәт предприятиелары етәкселәре менән республиканың оператив штабы ултырышын уҙғарҙы. Энергетика, транспорт объекттарын һәм сәнәғәт майҙансыҡтарын террорҙан һаҡлау мәсьәләләре ҡаралды. Был хаҡта Башҡортостан Башлығының матбуғат хеҙмәте хәбәр итә.

Ултырышта ҡатнашыусылар үтә мөһим объекттарҙы диверсия-террористик, шул иҫәптән пилотһыҙ осоу аппараттары һөжүменән һаҡлау буйынса ҡабул ителгән сараларҙы тикшерҙе.

«Объекттарҙы пассив һәм актив һаҡлауҙы тәьмин итергә кәрәк. Был иһә беҙҙең яуаплылыҡ зонаһы», - тигән бурыс ҡуйҙы Радий Хәбиров.

«Башинформ» хәбәр иткәнсә, сәнәғәт продукцияһы өсөн һанлы паспорттар индерелә.

https://www.bashinform.ru/news/social/2024-07-03/v-bashkirii-obsudili-voprosy-obespecheniya-bezopasnosti-promyshlennyh-ob-ektov-3833551