Башҡортостан һәм Өфө яңылыҡтары
87.88
-0.21
96.1
-0.2
84.66
-0.08
16+ °C
Ясна
Бөтә яңылыҡтар
Йәмғиәт
3 Июль , 15:26

Башҡортостан Башлығы йәш юристарға республикала бизнесҡа ярҙам саралары тураһында һөйләне

Азат Мөхәмәтйәнов
Фото:Азат Мөхәмәтйәнов

Бөгөн, 3 июлдә, Евразия ғилми-белем биреү үҙәгенең вуз-ара студенттар кампусында Радий Хәбиров икенсе Республика йәштәр ҡануниәт форумында ҡатнашыусылар менән осрашты һәм уларҙың һорауҙарына яуап бирҙе. Башҡортостан Башлығынан республикала эшҡыуарлыҡҡа һәм бизнесҡа ниндәй ярҙам саралары күрһәтелеүе хаҡында һоранылар. 

«Эшҡыуарлыҡтың үҫеш динамикаһы тураһында бер нисә күрһәткес буйынса фекер йөрөтөргә мөмкин. Үҙмәшғүлдәрҙең, бәләкәй һәм урта бизнес субъекттарының үҫеше, хеҙмәткәрҙәр һаны һәм финанс күрһәткестәре. Ошо йүнәлештәр буйынса Башҡортостанда ыңғай тенденция күҙәтелә. Темптар арта, ләкин төбәктең ҡеүәтен иҫәпкә алғанда, беҙ теләгәнсә түгел әле. Республикала инвестицияларҙы яҡлау һәм дәртләндереү программаһын ҡабул иттек, ул инвестициялар менән бәйле процестарҙы күпкә еңеләйтте. Хәҙер инвесторҙарға сауҙалашмайынса үҙ проекттары өсөн ер участкаларын алыу еңелерәк. Ҡайһы берҙә шуның өсөн тәнҡит һүҙҙәрен дә ишетәм, ләкин  мин ергә хужаларса ҡараш булырға тейеш тип иҫәпләйем», - тине Радий Хәбиров.

Эшҡыуарҙар һәм власть араһында конструктив диалог булдырыуҙа бизнес-шерифтар институты ла роль уйнаны, тигән фекерҙә республика етәксеһе.

https://www.bashinform.ru/news/social/2024-07-03/glava-bashkirii-rasskazal-molodym-yuristam-o-merah-podderzhki-biznesa-v-regione-3833408

Автор:Азат Ғиззәтуллин
Читайте нас: