6 июлдә Евразия күсмә цивилизациялар музейының визит-үҙәге асыла

6 июлдә Шишмә районында Евразия күсмә цивилизациялар музейының визит-үҙәген тантаналы асыу тантанаһы була. Был хаҡта бөгөн оператив кәңәшмәлә Башҡортостан Башлығы Радий Хәбиров белдерҙе.

Музейҙың визит-үҙәгендә артефакттар экспозицияһы, лекциялар залы, депозитарий, кафе һәм ҡарау-күҙәтеү майҙансығы була. Шулай уҡ унда тарихи ҡомартҡы – Ғосман Ҡөрьәненең күсермәһен һәм XVIII быуат Рәсәй атласының (Башҡортостан картаһы төшөрөлгән бит тә бар) күрергә мөмкин.

Хөкүмәттең беренсе вице-премьеры Урал Килсенбаев һүҙҙәренсә, сараны асыу барышында ғилми һәм мәҙәни программа ҡаралған, бик күп ҡунаҡтар көтөлә.

«Башинформ» хәбәр иткәнсә, визит-үҙәк асылған көндә «Көс урыны» фильмының премьераһы була.

https://www.bashinform.ru/news/social/2024-07-01/6-iyulya-sostoitsya-otkrytie-vizit-tsentra-evraziyskogo-muzeya-kochevyh-tsivilizatsiy-3830383