Республика табиптары —  «Иң яҡшы йыл табибы» Бөтә Рәсәй конкурсы еңеүселәре 

Рәсәйҙең Һаулыҡ һаҡлау министрлығы «Иң яҡшы йыл табибы» Бөтә Рәсәй конкурсына йомғаҡ яһаны. Был хаҡта республиканың һаулыҡ һаҡлау министры Айрат Рәхмәтуллин социаль селтәрҙәге сәхифәһендә хәбәр итте.

Шулай итеп, «Иң яҡшы акушер-гинеколог» номинацияһында беренсе урынды Республика перинаталь үҙәге табибы Динар Ғабдрахманов яуланы. Динар Рөстәм улы 12 йылда 6 меңдән ашыу баланы. Ул ҡатмарлы юғары технологик операциялар яһай, хәүеф төркөмөнә ҡараған пациенттар менән эшләй.

«Иң яҡшы табип-эксперт» номинацияһында Өфөнөң 21-се ҡала дауаханаһының патологоанатомия бүлеге мөдире Сергей Щекин еңде. Уның һаулыҡ һаҡлау системаһында эш стажы — 40 йыл.

Тағы ла өс белгес — Ҡыуатов исемендәге Республика клиник дауаханаһының оториноларингология бүлеге мөдире Артур Мөғәллимов, Башҡорт дәүләт медицина университеты клиникаһының кардиология бүлеге мөдире Марина Плотникова һәм профессор, Башҡорт дәүләт медицина университеты клиникаһының табип-травматолог-ортопеды Рәсүл Яҡупов өс призер иҫәбенә инде.

https://www.bashinform.ru/news/social/2024-06-27/vrachi-iz-bashkirii-stali-pobeditelyami-vserossiyskogo-konkursa-luchshiy-vrach-goda-3825389