Өфөлә Бөйөк Ватан һуғышы ветераны 103 йәшен билдәләне

Өфө ҡала советы депутаты Андрей Борисов Бөйөк Ватан һуғышы ветераны, атҡаҙанған уҡытыусы Жданова Клавдия Федоровнаны тыуған көнө менән ҡотланы.

20 июндә уға 103 йәш тулды. Оло булһа ла, Клавдия Федоровна ҡунаҡтарға бик шат. Ул һынауҙар менән тулы тормош юлын иҫенә төшөрә, яттан шиғыр ҙа һөйләй.

Клавдия Жданова «Башҡорт АССР-ы мәктәбенең атҡаҙанған уҡытыусыһы» исеменә лайыҡ булған, «Бөйөк Ватан һуғышында фиҙакәр хеҙмәте өсөн» миҙалы, «Халыҡ мәғарифы отличнигы» билдәләре менән бүләкләнгән.

– Клавдия Федоровнаның тормошо – үҙ эшеңә тоғролоҡ өлгөһө. Ярты быуаттан ашыу ул балаларҙа белемгә һөйөү уята, эшһөйәрлек тәрбиәләй. Уның йәмғиәт алдындағы ҡаҙаныштары баһалап бөткөһөҙ, –  тип билдәләне Андрей Борисов.

https://www.bashinform.ru/news/social/2024-06-27/v-ufe-pedagog-veteran-velikoy-otechestvennoy-voyny-otmetila-103-y-den-rozhdeniya-3826277