Республикала 20 ветеран «Геройҙар дәүере» кадрҙар программаһы буйынса уҡый башланы

Башҡортостанда 20 махсус хәрби операция ветераны «Геройҙар дәүере» кадрҙар программаһы буйынса уҡый башланы. Был турала Башҡортостан Башлығы хакимиәте етәксеһе Максим Забелин белдерҙе.

«Дуҫтар, белеүегеҙсә, быйылдан «Геройҙар дәүере» кадрҙар программы ғәмәлгә ашырыла. Ил президенты башланғысы менән махсус хәрби операцияла ҡатнашыусылар араһынан дәүләт хеҙмәте өсөн юғары квалификациялы, компетентлы кадрҙар әҙерләү ойошторола. Владимир Путин билдәләүенсә, улар — Рәсәйгә тоғролоғон раҫлаған лайыҡлы кешеләр», — тип яҙа Максим Забелин социаль селтәрҙә.

Әле «Ватанды һаҡлаусылар» фонды филиалы базаһында (Өфө ҡалаһы, Минһажев урамы, 107) ситтән тороп баһалау пункты асылған, унда проектта ҡатнашыусылар тест һәм әңгәмәләшеү үтергә мөмкин, тип өҫтәне ул.

Хәтерегеҙгә төшөрәбеҙ, «Геройҙар дәүере» программаһына инеү өсөн махсус хәрби операцияла ҡатнашыу, юғары белемле Рәсәй гражданы булыу талап ителә.

https://www.bashinform.ru/news/social/2024-06-26/v-bashkirii-20-veteranov-svo-nachali-obuchenie-po-kadrovoy-programme-vremya-geroev-3824203