Башҡортостан Башлығы Радий Хәбиров махсус тәғәйенләнеш төркөмө инструкторы, махсус тәғәйенләнештәге 45-се айырым гвардия бригадаһы яугире Владислав Ухалды хәрби бурысын үтәгәндә ҡыйыулығы һәм батырлығы өсөн генерал Шайморатов ордены менән наградланы.
Бүләкләү тантанаһы Башҡортостан хөкүмәтенең оператив кәңәшмәһе барышында уҙҙы.
«Йәш яҡташыбыҙ беҙҙең кадет мәктәбен тамамлаған. Бөгөн беҙ уны бүләкләйбеҙ. Республикабыҙҙа тыуып үҫкән ошондай шәп егеттәрҙе күреп, күңел кинәнә», — тине республика етәксеһе.