Өфөнөң «Транспорт инфраструктураһы идаралығы» предприятиеһы 1 июлдән электр транспортында юл хаҡының үҙгәреүе тураһында хәбәр итте. Пластик карта, берҙәм транспорт картаһы менән, транспорт ҡушымтаһы ярҙамында түләгәндә 31 һум була. Банк картаһы һәм ҡулаҡса менән иһә 35 һум.
Мәктәп уҡыусылары һәм урта махсус уҡыу йорттары студенттары өсөн 18 һум була. Багаж өсөн 22 һум түләргә кәрәк.
Әйткәндәй, 3 июндән Башҡортостанда автобустарҙа юл хаҡы ҡиммәтләнде.