Башҡортостан һәм Өфө яңылыҡтары
88.02
0
96.04
0
82.49
-0.14
21+ °C
Болотло
Бөтә яңылыҡтар
Йәмғиәт
19 Июнь , 13:16

Өфөлә «Һөт иле» фестивале көнө билдәле булды

Башҡортостандың Ауыл хужалығы министрлығы
Фото:Башҡортостандың Ауыл хужалығы министрлығы

Башҡортостандың Ауыл хужалығы министрлығынан «Һөт иле» фестивален үткәреү көнөн хәбәр иттеләр. 21 һәм 22 сентябрҙә Өфөлә Дуҫлыҡ монументы янындағы Ағиҙел йылғаһы буйында байрам ойоштороу тураһында ҡарар ҡабул ителде. Башҡортостан Хөкүмәте тейешле бойороҡҡа ҡул ҡуйған.

Һәр ваҡыттағыса баш ҡала халҡы һәм ҡунаҡтары өсөн төрлө әүҙемлектәр ойошторола. Аттракциондар, спорт майҙансыҡтары, фудкорт һәм һөт йәрминкәһе генә түгел, тиҙәр ойоштороусылар, әлегә бөтә серҙәрҙе лә асмайҙар.

«Һөт иле» ғаилә фестивале 2011 йылдан башлап уҙғарыла. Ул Башҡортостанда етештерелгән һөт һәм һөт ризыҡтарын ҡулланыуҙы арттырыуға, дөрөҫ туҡланыуҙы һәм сәләмәт йәшәү рәүешен пропагандалауға йүнәлтелгән.

https://www.bashinform.ru/news/social/2024-06-19/stala-izvestna-data-provedeniya-molochnoy-strany-v-ufe-3814590

Автор:Элина Әхмәтова
Читайте нас: