Өфөлә янғын һүндереүселәргә һәм ҡотҡарыусыларға яңы махсус техника асҡыстары һәм сертификаттар тапшырылды
18 июндә Өфөлә Рәсәй Федерацияһының граждандар оборонаһы, ғәҙәттән тыш хәлдәр һәм тәбиғәт афәттәре эҙемтәләрен бөтөрөү эштәре буйынса министры, генерал-лейтенант Александр Куренков һәм Башҡортостан Башлығы Радий Хәбиров янғын һүндереүселәргә һәм ҡотҡарыусыларға яңы махсус техника һәм ҡорамал асҡыстары, сертификаттар тапшырҙы.
Республика 36 берәмек техника: 8 автоцистерна, 4 автобаҫҡыс, ауыр класлы авария-ҡотҡарыу автомобиле, һауа мендәрендәге «Славир-9У» судноһы, «Бурлак» ҡарҙан һәм һаҙыҡтан йөрөү өсөн техника, водолаз ҡорамалдары менән йыһазландырылған ГАЗ-27527 авария-ҡотҡарыу автомобиле, еңел класлы авария-ҡотҡарыу автомобиле, 2 квадроцикл, 2 ҡаргиҙәр алды.
Махсус техника Өфөлә, Стәрлетамаҡта һәм 21 районда ғәҙәттән тыш дежурға баҫа.
«Ут менән көрәштә күп нәмә ваҡытҡа бәйле, янғын ваҡытында ул беҙҙең файҙаға түгел, шуға күрә Рәсәй Ғәҙәттән тыш хәлдәр министрлығында янғын-ҡотҡарыу подразделениеларын заманса техника менән тәьмин итеү өҫтөнлөклө бурыстарҙың береһе булып тора. Ниндәй генә заманса техника булмаһын, иң мөһиме – беҙҙең янғын һүндереүселәрҙең һәм ҡотҡарыусыларҙың һөнәри оҫталығы. Һәр берегеҙгә фиҙакәр хеҙмәтегеҙ өсөн рәхмәт белдерәм, сөнки тап ошо эш һөҙөмтәһендә граждандарҙың ғүмере ҡотҡарыла һәм мөлкәте һаҡлап ҡалына. Башҡортостан Республикаһы Башлығы Радий Фәрит улы Хәбировҡа именлек мәсьәләләрендә ярҙам күрһәткәне һәм халыҡты яҡлауҙа әүҙем ҡатнашҡаны өсөн рәхмәт. Уртаҡ тырышлыҡтың һөҙөмтәһе – йыл һайын меңләгән ҡотҡарылған ғүмер!», - тине Александр Куренков.
Быйыл биш айҙа ғына республикала 4 меңдән ашыу янғын һүндерелгән һәм 823 кешенең ғүмере ҡотҡарылған.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.