Башҡортостанда иң яҡшы «Адыгей» сырын етештереүсене һайлайҙар

26-28 июндә Өфөлә «Иң оҫта сыр ҡайнатыусы» номинацияһында «Һөнәре буйынса иң яҡшыһы» Бөтә Рәсәй һөнәри оҫталыҡ конкурсының төбәк этабы уҙғарыла. Башҡортостандың сыр ҡайнатыусылары Аграр университет майҙансығында «Адыгей» сырын яһауҙа ярыша.

Төбәк этабында еңеүселәргә һәм призерҙарға түбәндәге премиялар тапшырыла: беренсе урын — 50 мең, икенсе урын — 30 мең, өсөнсө урын — 15 мең һум.

Республиканың иң оҫта сыр ҡайнатыусылары Бөтә Рәсәй финалында Башҡортостан исеменән сығыш яһай. Төп бүләк — 1 миллион һум. 

https://www.bashinform.ru/news/social/2024-06-13/v-bashkortostane-vyberut-luchshego-izgotovitelya-syra-adygeyskiy-3808823