Башҡортостан һәм Өфө яңылыҡтары
87.88
-0.21
96.1
-0.2
84.66
-0.08
16+ °C
Ясна
Бөтә яңылыҡтар
Йәмғиәт
6 Июнь , 13:00

Республикабыҙҙың сәнғәт оҫталары Үзбәкстанда һабантуйҙа ҡатнаша

7-9 июндә Үзбәкстандың баш ҡалаһы Ташкентта Һабантуй байрамы ойошторола. Халыҡ ижады үҙәгенең матбуғат хеҙмәтенән хәбәр итеүҙәренсә, сараға килгән ҡунаҡтарҙы Үзбәкстан, Татарстан һәм Башҡортостан сәнғәт оҫталары, Ташкент ҡалаһы башҡорт-татар мәҙәни үҙәктәренең үҙешмәкәр ансамблдәре һәм башҡарыусылары ҡатнашлығындағы концерт программаһы көтә.

Байрам концертында ZAINETDIN, Алһыу Бәхтиева, Айгиз Хашимов, Дамир Тайыпов, «Аманат» халыҡ бейеүҙәре халыҡ ансамбле ҡатнаша.

Өс уөн буйына башҡорт биҙәү-ҡулланма сәнғәте, шәжәрә төҙөү, хореография, вокал, музыка ҡоралдарында уйнау буйынса оҫталыҡ дәрестәре ойошторола.

Шулай уҡ һабантуйҙа төрлө спорт ярыштарында һәм уйындарҙа (көрәш, гер күтәреү, армрестлинг, ҡалаҡҡа йомортҡа һалып йүгереү, тоҡ кейеп ярышыу һәм башҡалар) ҡатнашырға мөмкин.

https://www.bashinform.ru/news/social/2024-06-05/mastera-iskusstv-i-remyosel-bashkirii-primut-uchastie-v-sabantue-2024-v-uzbekistane-3799583

Автор:Ләйлә Аралбаева
Читайте нас: