«Медиалогия» компанияһы 2024 йылдың беренсе кварталында күп тапҡыр өҙөмтә килтерелә торған киң мәғлүмәт саралары рейтингын төҙөгән. Тикшереү «Медиалогия» системаһының киң мәғлүмәт саралары нигеҙендә өҙөмтә килтереү индексына нигеҙләнгән, ул үҙенә 92 меңдән ашыу сығанаҡты индерә: телевидение, радио, гәзит-журналдар, мәғлүмәт агентлыҡтары, интернеттағы киң мәғлүмәт саралары.
«Башинформ» мәғлүмәт агентлығы беренсе урынды биләй (өҙөмтә килтереү индексы 80,50). Икенсе урында — Mkset.ru (66,90), артабан Ufa1.ru килә (65,22), дүртенселә — Башҡортостан юлдаш телевидениеһы (54,60), бишенсе баҫҡыста — РБК (42,56).