Бөгөн, 31 майҙа, Башҡортостанда, тотош илдәге кеүек үк, база һәм профиль кимәлендәге математиканан имтихан уҙғарыла.
«Математика — урта дөйөм белем тураһында аттестат алыу өсөн мотлаҡ фән. Профиль кимәлендәге имтиханды математика буйынса берҙәм дәүләт имтиханы һөҙөмтәһе юғары уҡыу йортона инеү өсөн кәрәк булған сығарылыш уҡыусылары тапшыра. Башҡа уҡыусылар база кимәлендәге математиканан һынау тота. База кимәлендә математика буйынса берҙәм дәүләт имтиханы баһаһы — 14 июнгә, ә профилле кимәлдәге математика 17 июнгә тиклем билдәле була», — тип белдерҙе республиканың мәғариф һәм фән министры Илдар Мәүлитбирҙин социаль селтәрҙә.
Хәтерегеҙгә төшөрәбеҙ, база кимәлендәге математиканы 5 июлдә һәм 9 сентябрҙә ҡайтанан тапшырырға була.