Республика синоптиктары алдағы көндәргә һауа торошон фаразланы

Башгидромет алдағы көндәргә һауа торошона фараз менән таныштырҙы.

Синоптиктар мәғлүмәте буйынса, бөгөн Башҡортостанда урыны менән ҡыҫҡа ваҡытлы ямғыр яуыуы мөмкин. Айырым райондарҙа йәшен. Ел төньяҡ-көнсығыштан талғын, урыны менән көсәйеүсән. Һауа температураһы көндөҙ +16, +21 градус, көньяҡта +26-ға тиклем.

31 майҙа яуым-төшөмһөҙ, республиканың көньяғында ҡыҫҡа ваҡытлы ямғыр яуа. Ел төньяҡтан, төньяҡ-көнсығыштан талғын, көндөҙ урыны менән көслө. Һауа температураһы төндә +6, +11 градус, төньяҡ-көнсығышта +1-гә тиклем, көндөҙ +21, +26 градус.

1 июндә яуым-төшөмһөҙ, көньяҡта ҡыҫҡа ваҡытлы ямғыр яуыуы көтөлә. Ел төньяҡтан, төньяҡ-көнсығыштан талғын, көндөҙ урыны менән көслө. Һауа температураһы төндә +6, +11 градус, төньяҡ-көнсығышта +1-гә тиклем, көндөҙ +21, +26 градус.

https://www.bashinform.ru/news/social/2024-05-30/sinoptiki-bashkirii-rasskazali-kakoy-budet-pogoda-v-blizhayshie-dni-3790733