Башҡортостанда йорттарҙа капиталь ремонт өсөн сикке хаҡ билдәләнде

Башҡортостан Хөкүмәте күп фатирлы йорттарҙа дөйөм мөлкәтте капиталь ремонтлау хаҡының сикке күләмен билдәләне. Был ҡарарға Башҡортостан Республикаһы премьер-министры Андрей Назаров ҡул ҡуйған.

Һүҙ капиталь ремонт фонды аҡсаһы иҫәбенә төбәк операторы түләй алған хеҙмәттәр хаҡында бара. Мәҫәлән, ике ҡатҡа тиклемге күп фатирлы йорттар өсөн йорт эсендәге йылылыҡ менән тәьмин итеү системаларын ремонтлауҙың максималь хаҡы 3474,95 һумға тиклем билдәләнгән, башҡаларға — 2785,91 һумғаса, газ менән тәьмин итеү системаларын ремонтлауға — 1531,92 һум, электр менән тәьмин итеү системаларына — 1793,62 һум, коридор тибындағы күп фатирлы йорттар өсөн һыу менән тәьмин итеү системаларын ремонтлауға — 1856,73 һум, башҡаларға иһә 865,02 һум. Үлсәү берәмеге — квадрат метрҙарҙа.

Билдәле булыуынса, Башҡортостанда йорттарҙа капиталь ремонт эштәрен башҡарыуға ҡараш үҙгәртелә.

https://www.bashinform.ru/news/social/2024-05-24/v-bashkirii-ustanovili-predelnuyu-stoimost-kapremonta-v-zhilyh-domah-3781643