24 майҙа Өфөнөң сығарылыш класс уҡыусылары гранд-вальс өйөрөлә
24 майҙа Өфөнөң ун беренсе класс уҡыусылары өсөн һуңғы ҡыңғырау яңғырай. Ошо уңайҙан мәктәптәрҙә тантаналы саралар үткәрелә. Был көндө «Торатау» конгресс-холы майҙансығында мәктәп тамамлаусылар, уҡытыусылар һәм ата-әсәләр өсөн байрам ойошторола. Ул «Мәктәп йылдары» вальсын башҡарыуҙан башлана. Артабан сығарылыш класы уҡыусылары баш ҡалабыҙҙың 450 йыллығы айҡанлы Рим Хәсәнов көйөнә яҙылған «Өфө йүкәләре» гранд-вальсын өйөрөлә. Концерт программаһында шулай уҡ уҡытыусылар һәм сығарылыш уҡыусылары хоры, флешмоб бар. Сара фейерверк-серпантин менән тамамлана.
Өфө хакимиәтенең матбуғат хеҙмәте хәбәр итеүенсә, 2024 йылда Өфө мәктәптәрен 4300-ҙән ашыу ун беренсе класс уҡыусыһы тамамлай. Шул уҡ көндө 12 меңдән ашыу туғыҙынсылар өсөн тантаналы линейкалар уҙғарыла.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.