Ғәҙәттән тыш хәлдәр министрлығы республикала йәшәүселәрҙе йонсоу һауа торошо хаҡында иҫкәртә

Башҡортостанда 23 майҙа хәүефле метеорологик күренештәр көтөлә: төндә республикала урыны менән -3° һалҡынайтып, ҡырау төшөүе, ә көндөҙ ҡайһы бер райондарҙа елдең тиҙлеге секундына 18 метрға етеүе ихтимал. Урындағы халыҡтың телефондарына Башҡортостан буйынса Ғәҙәттән тыш хәлдәр министрлығынан ошондай хәбәрҙәр килгән.

Синоптиктар фаразынса, иртәгә көндөң аяҙлы-болотло булыуы көтөлә. Яуым-төшөмһөҙ, көньяҡта бер аҙ ямғыр. Һауа температураһы төндә +2, +7°, көндөҙ +11, +16°була. Автомобиль юлдарының айырым участкаларында төндә һәм иртән томан, күреү мөмкинлеге 500-1000 метрҙан кәмей.

https://www.bashinform.ru/news/social/2024-05-22/mchs-po-bashkirii-preduprezhdaet-zhiteley-respubliki-o-nenastnoy-pogode-3778325