Уҡытыусыларҙың август кәңәшмәһе Стәрлетамаҡта була

Башҡортостан уҡытыусыларының республика август кәңәшмәһе быйыл Стәрлетамаҡта уҙғарыла. Был хаҡта дүшәмбе хөкүмәттең Республика идара итеү үҙәгендәге оператив кәңәшмәһендә Башлығы Радий Хәбиров белдерҙе.

Стәрлетамаҡ мэры Рөстәм Ғәзизов та ҙур кәңәшмәне ҡабул итергә әҙер булыуҙары хаҡында белдерҙе.«Бөтә объекттар ҙа ваҡытында әҙер булыр, беҙ ҙур теләк менән республика август кәңәшмәһен ҡабул итергә әҙер», - тип яуап бирҙе ул республика етәксеһенең сараға әҙерлек тураһында һорауына.

Шулай уҡ Радий Хәбиров Башҡортостандың 15,5 мең сығарылыш уҡыусыһына дәүләт имтихандарында уңыштар теләне.

https://www.bashinform.ru/news/social/2024-05-20/ezhegodnyy-avgustovskiy-sovet-pedrabotnikov-bashkirii-proydet-v-sterlitamake-3774482