Радий Хәбиров медиктарҙы йәлеп итеү буйынса республика районының юғары күрһәткестәрен билдәләне

Башҡортостан Башлығы Радий Хәбиров хөкүмәттең оператив кәңәшмәһендә Дыуан районының урта звено медицина белгестәрен урындағы дауаханаларға һәм поликлиникаларға йәлеп итеү йәһәтенән эшен билдәләне. Муниципалитеттың 2023 йылда күрһәткестәре 102,8 тәшкил иткән.

Район хакимиәте етәксеһенең социаль мәсьәләләр буйынса урынбаҫары Айҙар Абдуллин һөйләүенсә, 2024 йылда медицина учреждениеларына дүрт фельдшер һәм туғыҙ шәфҡәт туташы ҡабул ителгән, шулай уҡ Силәбе һәм Свердловск өлкәләренән 10-дан ашыу табиптың килеүе көтөлә. Бынан тыш, профилле колледжды тамамлаған 46 белгестең 11-е менән эшкә алыу өсөн маҡсатлы контракттар төҙөлгән.

«Һеҙгә рәхмәт һүҙҙәрен еткерәм, күренеп тора, комплекслы эш алып барыла. Яҡшы һөҙөмтә өсөн киләһе йылда Мәсәғүт педагогия колледжын капиталь ремонтларбыҙ», — тине Радий Хәбиров.

Шулай уҡ Сибайҙа, Белорет районында һәм Өфөлә план күрһәткестәренә өлгәшелгән. Ғафури, Бөрө, Ҡыйғы, Балтас, Мәсетле һәм Ейәнсура райондары юғары күрһәткестәргә ирешкән, Иглин, Ҡырмыҫҡалы, Благовещен, Кушнаренко, Краснокама һәм Благовар райондарында был күрһәткестәр түбән.

https://www.bashinform.ru/news/social/2024-05-20/radiy-habirov-otmetil-vysokie-pokazateli-rayona-bashkirii-po-privlecheniyu-medikov-3774512