Башҡортостанда Салауат Юлаевтың тыуған көнөнә «Салауат ере» паркы асыла

Башҡортостанда 16 июндә милли батырыбыҙ Салауат Юлаевтың тыуған көнөнә ҡарата «Салауат ере» тарихи-мемориаль паркын асыу һәм «Салауат йыйыны» республика фольклор байрамын уҙғарыу планлаштырыла. Был хаҡта дүшәмбе хөкүмәттең оператив кәңәшмәһендә Башҡортостан Башлығы белдерҙе.

Башҡортостан хөкүмәте премьер-министрының беренсе урынбаҫары Урал Килсенбаев Салауат районында «Салауат ере» мемориаль паркының әҙерлеге хаҡында һөйләне:

- Бер аҙна элек урында подрядсы менән бергә ойоштороу комитеты ултырышын үткәрҙек. Яҡшы итеп әҙерләнеп өлгөрөрбөҙ тигән ышаныс бар. Юлы ла, урыны ла һәйбәт.

- Аҡса бүлдек, туристар өсөн күркәм урын урын барлыҡҡа килә. Иң мөһиме - геройыбыҙҙың тыуған ерен хөрмәтләп иҫкә алабыҙ, - тип билдәләне Радий Хәбиров.

https://www.bashinform.ru/news/social/2024-05-20/v-bashkirii-ko-dnyu-rozhdeniya-salavata-yulaeva-otkroetsya-park-salauat-ere-3774443