Өфөлә Һуңғы ҡыңғырау байрамы ваҡытында бер нисә урамда автомобиль һәм транспорт хәрәкәте сикләнә. Был хаҡта баш ҡала хакимиәте хәбәр итә.
Йома, 24 майҙа, төнгө ун икенән көндөҙгө 4-кә тиклем «Ватан» паркының өҫкө һәм түбәнге парковкалары, шулай уҡ «Торатау» конгресс-холы ҡаршыһындағы парковка ябыла.
Бынан тыш, көндөҙгө 12-нән 4-кә тиклем генерал-губернатор Перовский, Зәки Вәлиди (Аксаковтан Ғафуриға тиклем), Ғафури (Пятигорскаянан Пушкинға тиклем) урамдарында сикләү индерелә.
Баш ҡала халҡын һәм ҡунаҡтарын икенсе маршруттарҙы алдан билдәләргә саҡырҙылар.
Хәтерегеҙгә төшөрәбеҙ, кисә Өфөнөң Кольская урамында ағастарҙы алмаштыра башланылар.