Башҡортостан Башлығы «Рәсәй – ислам донъяһы» төркөмө ултырышында ҡатнашты

Радий Хәбиров социаль селтәрҙә «Рәсәй – ислам донъяһы» стратегик ҡараш төркөмө ултырышында ҡатнашыуы хаҡында яҙҙы. Был мөһим форумға йыл һайын мосолман илдәренең һәм Рәсәйҙең ислам динен тотҡан төбәктәренең дипломатик корпусы вәкилдәре йыйыла.

Башҡортостан Башлығы һүҙҙәренсә, ошо сарала ҡатнашыу бик мөһим, сөнки республикала 2 миллиондан ашыу мосолман йәшәй. Әммә, мәҙәни өлөштән тыш, төбәк өсөн тышҡы иҡтисади эшмәкәрлек тә мөһим.

«Бөгөн республика көнсығышҡа ҡарай борола. Сауҙа әйләнешенең дүрттән бер өлөшө Үҙәк Азия илдәренә тура килә, Төркиә, Иран Ислам Республикаһы менән әүҙем эш алып барабыҙ. Бурысыбыҙ – республика иҡтисады үҫешен тәьмин итеү, ә тышҡы партнерҙар булмаһа, был мөмкин түгел», - тип яҙҙы Радий Хәбиров.

https://www.bashinform.ru/news/social/2024-05-16/glava-bashkirii-prinyal-uchastie-v-zasedanii-gruppy-rossiya-islamskiy-mir-3769846