Башҡортостан аграрийҙары яҙғы культураларҙың 52% ашыуын сәскән

Башҡортостандың ауыл хужалығы министры урынбаҫары Ирек Сураҡов Республика менән идара итеү үҙәгенән «Сәләм» тапшырыуының тура эфирында 2024 йылғы сәсеү кампанияһының барышы хаҡында һөйләне.

Әле аграрийҙар дым ҡаплатыуҙы, ужым культураларын һәм күп йыллыҡ үҫемлектәрҙе туҡландырыуҙы теүәлләгән, яҙғы культураларҙың 52% ашыуы сәеселгән.

Көндәрҙең иртә йылытыуы һәм ҡырау 1000 гектарға яҡын шәкәр сөгөлдөрөн, етенде һәм рапсты һәләк иткән, шулай уҡ 15 мең гектарҙан күберәк культуралар зыян күргән.

«Быйыл беҙҙә һауа шарттары ғәҙәттәгесә түгел, республикала, тотош Рәсәйҙә лә. Юғалтыуҙарға ҡарамаҫтан, аграрийҙар эшләй. Мониторинг алып барабыҙ, кәрәк икән, яңынан сәсәбеҙ. Республика баҫыуҙарында 12 меңдән ашыу трактор һәм сәсеү комплексы эшләй. Санкциялар булһа ла, ҡоротҡостарҙан һаҡланыу саралары бар, йыл һайын баҫыуҙарҙа 1,2 мең тоннанан ашыу пестицид һиптерәбеҙ, 1 мең тоннанан ашыу тупланған биопрепараттар ҡулланабыҙ», — тине Ирек Сураҡов.

https://www.bashinform.ru/news/social/2024-05-16/agrarii-bashkirii-zaseyali-bolee-52-yarovyh-3769225