Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
8 Май , 10:22

Өфөлә Еңеү парадының генераль репетицияһы үтте

7 майҙа Өфөлә Бөйөк Ватан һуғышында Еңеүҙең 79 йыллығы уңайынан хәрби хеҙмәткәрҙәр парадының һуңғы генераль репетицияһы үтте.

Сарала бөтәһе 22 парад расчеты, шул иҫәптән махсус хәрби операция зонаһынанҡыҫҡа ваҡытлы ялға ҡайтҡан «Башҡортостан» ирекле мотоуҡсылар полкы хәрби хеҙмәткәрҙәре, Башҡортостан Республикаһы буйынса Эске эштәр министрлығының кавалерия һәм кинология подразделениелары, Федераль яза башҡарыу хеҙмәтенең Башҡортостан буйынса идаралығының ҡатын-ҡыҙҙар парад расчеты ҡатнашты. Һигеҙ ведомство оркестрынан йыйылма тынлы оркестр ойошторолған.

Артабан иһә Вадим Задорожный музейынан Бөйөк Ватан һуғышы осороноң 7 берәмек хәрби техникаһынан, шулай уҡ Өфө территориаль гарнизонынан 9 берәмек заманса хәрби һәм эш техникаһынан торған механизацияланған колонна үтте.

Шулай уҡ һауала «Первушино» аэродромының бәләкәй авиация самолеттары осоп үтте. Шәхси составтан 1,5 мең кеше шәхси составтан йәлеп ителде. Генераль репетиция ваҡытында тауыш көсәйткес аппаратура файҙаланылды.

Бынан алдараҡ «Башинформ» Өфөлә 9 майға билдәләнгән байрам саралары хаҡында хәбәр иткәйне.

https://www.bashinform.ru/news/social/2024-05-07/v-ufe-proshla-generalnaya-repetitsiya-parada-pobedy-3757828

Автор:Сергей Николаев
Читайте нас: