Республика Башлығы «Хәтер баҡсаһы» акцияһында ҡатнашты

Башҡортостан Башлығы Радий Хәбиров 27 апрелдә Шишмә районына эш сәфәре барышында Рәсәй Геройы Максим Серафимов исемендәге «Патриот» хәрби-патриотик парк биләмәһендә «Хәтер баҡсаһы» акцияһында ҡатнашты.

«Хәтер баҡсаһы» акцияһы оло әһәмиәткә эйә. Беҙ ағас ултыртып ҡына ҡалмайбыҙ, был бик яҡшы күренеш, сөнки тәбиғәтте һәм урманды үҫтерәбеҙ. Ләкин иң мөһиме, бөгөн ултыртылған һәр үҫенте Советтар Союзының Бөйөк Ватан һуғышында һәләк булған 27 миллион гражданы иҫтәлегенә бағышлана», - тине Радий Хәбиров, сарала ҡатнашыусыларға мөрәжәғәт итеп.

Өс йөҙ йүкә һәм Ҡырым ҡарағайы үҫентеләрен ултыртыуҙа шулай уҡ Херсон өлкәһе губернаторы урынбаҫары – Рәсәй Федерацияһы хөкүмәте ҡарамағында Херсон өлкәһенең даими вәкиллеге етәксеһе Владимир Боделан, көс структуралары етәкселәре, Белорет һәм Мәләүез райондарынан «Патриот» паркына хәрби йыйынға килгән 10-сы класс уҡыусылары ҡатнашты.

Хәтерегеҙгә төшөрәбеҙ, Ҡырым Республикаһы «Рәсәй» күргәҙмә-форумында Башҡортостанға Ҡырым ҡарағайын тапшырғайны. Был ҡарағай ҡаҡшамаҫ һәм мәңгелек дуҫлыҡ символына әүереләсәк. Ул 500-600 йыл йәшәй.

https://www.bashinform.ru/news/social/2024-04-27/glava-bashkirii-prinyal-uchastie-v-ekologo-patrioticheskoy-aktsii-sad-pamyati-3746308