Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
22 Апрель , 13:36

Студент билеттарын һәм зачет кенәгәләрен электрон төрҙә күрһәтергә мөмкин

«Башинформ» мәғлүмәт агентлығы архивы
Фото:«Башинформ» мәғлүмәт агентлығы архивы

25 апрелдә Рәсәйҙә студент билеттарын һәм зачёт кенәгәләрен электрон төргә күсереү буйынса эксперимент башлана. Ошо хаҡтағы ҡарарға Рәсәй Федерацияһы хөкүмәте рәйесе Михаил Мишустин ҡул ҡуйған. Эксперимент 2025 йылдың аҙағына тиклем бара.

Пилот проекты ирекле нигеҙҙә бойомға ашырыла, ул колледж һәм юғары уҡыу йорто студенттарына, шулай уҡ ординаторҙарға һәм аспиранттарға ҡағыла. Уларҙың уҡыуын раҫлаған документтар электрон төргә күсерелә, һуңынан дәүләт хеҙмәттәре порталындағы шәхси кабинетта һәм мобиль ҡушымтала QR-код рәүешендә барлыҡҡа килә. Электрон документтарҙы тимер юл һәм башҡа йәмәғәт транспортына, театрҙарға, музейҙарға, кино һәм концерт залдарына ташламалы билеттар һатып алыу, шулай уҡ уҡыу йортона инеү өсөн файҙаланырға мөмкин.

Шул уҡ ваҡытта ҡағыҙ документтар ҙа ғәмәлдән сығарылмай. Студенттар уларҙың һәр ҡайһыһын ҡулланырға хоҡуҡлы.

Бынан алдараҡ «Башинформ» Дәүләт хеҙмәттәре ярҙамында паспортты күрһәтеү мөмкинлеге хаҡында хәбәр иткәйне.

https://www.bashinform.ru/news/social/2024-04-22/studencheskie-bilety-i-zachetnye-knizhki-mozhno-budet-pred-yavlyat-v-elektronnom-vide-3737302

Автор:Роман Якимчук
Читайте нас: