18 апрелдә Республика йортонда Башҡортостан Башлығы Радий Хәбиров Рәсәй Дәүләт Думаһының Милләттәр эштәре буйынса комитеты рәйесе, «Ғәҙел Рәсәй – Патриоттар – Хәҡиҡәт өсөн» партияһының рәйестәше Геннадий Семигин менән осрашты. Улар милләт-ара һәм конфессия-ара мөнәсәбәттәрҙе нығытыу мәсьәләләрен, партияның республика бүлексәһе эшмәкәрлеген, республиканың социаль-иҡтисади үҫешен ҡараны.
Радий Хәбиров һәм Геннадий Семигин шулай уҡ партияның төрлө кимәлдәге һайлауҙарҙа әүҙем ҡатнашыуы ураһында фекер алышты. 2023 йылда етенсе саҡырылыш Дәүләт Йыйылышы – Ҡоролтайға һайлауға төбәк бүлексәһенән бер мандатлы һайлау округтары буйынса 36 кандидат һәм партия исемлеге буйынса 109 кандидат күрһәтелгәйне. Тауыш биреү йомғаҡтары буйынса «Ғәҙел Рәсәй – Патриоттар – Хәҡиҡәт өсөн» фракцияһына республика парламентына биш депутат һайланды.
Осрашыу аҙағында Башҡортостан Башлығы Геннадий Семигинға әүҙем закондар сығарыу һәм ижтимағи-сәйәси эшмәкәрлеге өсөн Салауат Юлаев орденын тапшырҙы.