Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
17 Апрель , 14:18

Дәүләт ярҙамы республикабыҙ эшҡыуарына тимерселек эшен киңәйтергә ярҙам иткән

Радий Хәбировтың социаль селтәрҙә бизнес менән аралашыу төркөмө
Фото:Радий Хәбировтың социаль селтәрҙә бизнес менән аралашыу төркөмө

Белорет районынан эшҡыуар Тимофей Степановтың шәхси тимерлеге бар. Оҫта яҡташыбыҙ тимерҙән ҡапҡалар, рәшәткәләр, ҡоймалар, йыһаздар сүкеп эшләй. Белорет районының бизнес-шерифы Андрей Гревцев Радий Хәбировтың социаль селтәрҙәге бизнес менән аралашыу төркөмөндә йүнселдең дәүләт ярҙамы менән үҙ эшен киңәйтеү мөмкинлегенә эйә булыуы хаҡында яҙған.

2023 йылдың декабрендә Тимофей Степанов район хакимиәтендәге «Эшҡыуарлыҡ сәғәте»ндә үҙ проектын тәҡдим иткән. Ул металды плазмалы ҡырҡыуҙың яңы төрөн индерергә уйлаған. Проектты ғәмәлгә ашырыу өсөн яҡташыбыҙ лизингҡа станок һатып алған.

Белорет районы хакимиәте «Бәләкәй һәм урта эшҡыуарлыҡты үҫтереү һәм уға ярҙам итеү» муниципаль программаһы буйынса эшҡыуарға финанс ярҙамы күрһәткән – 300 мең һумдан ашыу күләмдә лизинг килешеүе буйынса сығымдың бер өлөшөн ҡаплаған. Был иһә Тимофей Степановҡа аҙ сығымдар менән үҙенең производствоһын киңәйтеү менән шөғөлләнергә мөмкинлек бирә.

https://www.bashinform.ru/news/social/2024-04-17/gospodderzhka-pomogla-biznesmenu-iz-bashkirii-rasshirit-kuznechnoe-proizvodstvo-3731321

Автор:Роман Якимчук
Читайте нас: