Орскиҙа ташҡындан зыян күргәндәргә Волга буйы федераль округынан 200 тонна эсәр һыу килтерелгән
Ырымбур өлкәһе халҡына ярҙам итеү өсөн Волга буйы федераль округы төбәктәренән эсеү һәм көнкүрештә ҡулланыу өсөн 200 тоннаға яҡын һыу килтерелгән. Был хаҡта Рәсәй Президентының Волга буйы федераль округындағы тулы хоҡуҡлы вәкиле Игорь Комаров хәбәр итте.
«Ситтә ҡалмағандарға һәм ярҙам иткәндәргә рәхмәт белдерәм. Беҙҙең округтан бында көн һайын гуманитар ярҙам килтерәләр. Халыҡ һәм бизнес та финанс ярҙамы күрһәтә», — тине Игорь Комаров.
Ырымбур өлкәһендә ижтимағи-сәйәси хәл тотороҡло һәм контролдә тотола.
«Власть органдары матди һәм финанс ярҙамы күрһәтә, аҡса алыу өсөн 150 меңдән ашыу ғариза килгән. Табиптар эпидемиологик хәлде күҙәтә», - тип билдәләне Комаров.
Бынан алдараҡ Башҡортостан Башлығы Радий Хәбировтың ҡушыуы буйынса республиканан Ырымбур өлкәһенә 80 тоннанан ашыу эсәр һыу һәм 3 меңдән ашыу гигиена сараһы килтерелде. Шулай уҡ республикала Ырымбурҙағы ташҡындан зыян күргәндәргә ярҙам итеү өсөн аҡса йыйыу иғлан ителде.
Иҫегеҙгә төшөрәбеҙ, күрше Ырымбур өлкәһендә ғәҙәттән тыш хәл килеп тыуған: Урал йылғаһында дамба йырылыу сәбәпле Орск ҡалаһын һыу баҫҡан. Халыҡ эвакуацияланған. Улар төрлө урындарҙа йәшәргә мәжбүр һәм ярҙамға мохтаж.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.