Өфөлә ҡыҙ балаға ир-ат исемен ҡушҡандар тигән мәғлүмәтте кире ҡаҡтылар

Башҡортостанда ҡыҙ балаға ир-ат исемен ҡушҡандар тигән хәбәрҙе кире ҡаҡтылар. Ҡайһы бер киң мәғлүмәт сараларында яҙыуҙарынса, Өфөлә яңы тыуған ҡыҙсыҡҡа Кирилл исемен һайлағандар. Башҡортостандың Юстиция эштәре буйынса дәүләт комитетында бының ысынбарлыҡҡа тап килмәүен, ЗАГС порталында техник хата киткәнен хәбәр иттеләр.

«Был мәғлүмәт дөрөҫ түгел. Ата-әсә улдарына Кирилл тип ҡушҡан», - тиелә ведомство белдереүендә.

Бынан алдараҡ «Башинформ» республикабыҙҙа балаларға ниндәй үҙенсәлекле исемдәр һайлауҙары тураһында яҙып сыҡҡайны.

https://www.bashinform.ru/news/social/2024-04-09/v-bashkirii-oprovergli-informatsiyu-o-novorozhdennoy-devochke-s-muzhskim-imenem-3721382