Белгородтан 500 бала Башҡортостанға килә
Башҡортостан Белгород өлкәһенән 500 баланы ҡабул итәсәк. Хөкүмәттең оператив кәңәшмәһендә республика етәксеһе Радий Хәбиров ошо турала белдерҙе.
- Мин Белгород өлкәһе губернаторы менән һөйләштем. Беҙгә балаларҙы һыйындырыуҙы һорап мөрәжәғәт иттеләр. Белеп тораһығыҙ, унда хәл бик ҡатмарлы, шуға күрә Белгородтан 500 баланы үҙебеҙҙә ҡабул итәбеҙ, - тип билдәләне Радий Хәбиров.
Ул ошо эш менән шөғөлләнергә тейешле муниципалитеттарҙы әйтте. Улар - Илеш районы һәм Стәрлетамаҡ ҡалаһы. Башҡортостан Башлығы хакимиәте етәксеһе Максим Забелинға был мәсьәләне муниципалитет башлыҡтары менән ентекләп өйрәнеү бурысы йөкмәтелде.
- Мин район башлыҡтарын шәхсән ҡатнашырға саҡырам. Балалар былай ҙа арып-талып килә, унда көн һайын туптар гөрһөлдәй, кешеләр һәләк була, - тине Радий Хәбиров. - Иң мөһиме - йәшәү, туҡланыу, уҡыу процесы, кәрәк икән, өҫтәмә белем биреү. Ғөмүмән, балалар был уларҙың икенсе өйө икәнен тойорға тейеш.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.