Башҡортостанда биологик диверсиялар тураһында ялған мәғлүмәттәр тарала. Роспотребнадзорҙың республика буйынса идаралығы үҙенең телеграм-каналында хәбәр итеүенсә, мессенджерҙарҙа крандан аҡҡан һыу аша холера йоҡтороу ихтималлығы тураһында хәбәрҙәр килә.
«Ялған хәбәргә Рәсәйҙең баш санитар табибының холераны иҫкәртеү буйынса өҫтәмә саралар тураһында ҡарары сәбәпсе булды. Үтә иғтибарлылар документтың ғәмәлдә түгеллеген билдәләй алды. Бындай имеш-мимештәр тәүге тапҡыр ғына таралмай. Республика халҡын рәсми мәғлүмәттәргә генә ышанырға саҡырабыҙ», — тип белдерҙеләр ведомствола.