Башҡортостан һәм Өфө яңылыҡтары
93.44
0
99.58
0
87.29
+0.18
26+ °C
Болотло
Бөтә яңылыҡтар
Йәмғиәт
3 Апрель , 14:29

Башҡортостанда ғаилә «Рәхмәт-2024» акцияһында фатир отҡан

«Рәхмәт-2024» акцияһы сайты
Фото:«Рәхмәт-2024» акцияһы сайты

Ойоштороусылар «Рәхмәт-2024» акцияһына йомғаҡ яһаны. Унда республикабыҙҙан Рәсәй президентын һайлауҙа тауыш биргән 2,5 миллиондан ашыу кеше ҡатнашты. Һәр һайлаусыға QR-кодлы флаер тапшырылды, уны сайтта теркәргә кәрәк ине. Башҡортостанда йәмғеһе 400-гә яҡын кеше телевизор, электросамокат, кофемашина, телефон, яндекс-станция, робот-саң һурҙырғыс һәм башҡа ҡиммәтле бүләктәргә эйә булды.

«Башинформ»ға билдәле булыуынса, Саҡмағош ауылынан күп балалы Латиповтар ғаиләһе акцияның абсолют еңеүсеһе һәм Өфөләге бер бүлмәле фатир хужаһы тип танылды. Айгөл менән Илдар өс ул тәрбиәләй. Еңеүселәр әйтеүенсә, хәҙер уларҙың тормошонда бәхетле номер бар.

«Ғаилә йылында был беҙҙең өсөн көтөлмәгән бүләк булды. Аҙаҡҡаса ышанып етмәнек. Бәхетебеҙҙең сиге юҡ. «Рәхмәт-2024» акцияһын ойоштороусыларға рәхмәт, — тип шатлығы менән уртаҡлашты улар «Игенсе» район гәзите хәбәрсеһе менән әңгәмәлә.

Икенсе суперприздың бәхетле хужаһы Бөрөлә йәшәй. Хәҙер ул өр-яңы «Нива»лы булды. Руслан Ковригин үҙенең автомобиленең руленә ултырғас ҡына отошта еңеүсе икәненә төшөнгән.

«Рәхмәт-2024» акцияһынан икенсе «Нива» ла үҙенең хужаһын тапты. Машина асҡысы Благовещендан хаҡлы ялдағы ханым Әлфиә Антипинаға тапшырылды.

Салауаттан Ксения Ғималетдиноваға ла бәхет йылмайҙы. Яҡташыбыҙ Сочиға юллама менән бүләкләнде.

Ишембай районынан Федот Васильев иһә Башҡортостан шифаханаларының береһенә юллама алып һөйөндө.

«Рәхмәт-2024» акцияһын ойоштороусыларҙың береһе, Башҡортостандың «Алға-Патриот» спорт-патриотик үҙәге етәксеһе Ринат Хәбиров һүҙҙәренсә, өс көндә 6 отош уйыны уйнатылған. Йомғаҡлау уйыны 28 мартта БСТ телеканалында иртән «Сәләм» программаһы эфирында күрһәтелде.

https://www.bashinform.ru/news/social/2024-04-03/pohod-na-vybory-semi-iz-bashkirii-prines-ey-kvartiru-po-aktsii-rahmat-3711355

Автор:Әлфиә Әһлиуллина
Читайте нас: